12.01.2015
Ўзбекистон билан Тожикистон ўзаро виза режимини бекор қилиш ва икки мамлакат пойтахтлари ўртасида авиақатновни қайта йўлга қўйиш масаласини муҳокама қилди.
12news.uz нашрининг Тожикистон ташқи ишлар вазирлигига таяниб хабар қилишича, бу масала 8 январь куни Тожикистон Ташқи ишлар вазири ўринбосари Парвиз Давлатзоданинг Ўзбекистоннинг Душанбедаги элчиси Шоқосим Шоисломов билан учрашуви пайтида муҳокама этилган.
Душанбе расмийси ўтган йилнинг сентябрь ойида икки мамлакат етакчилари Ислом Каримов билан Имомали Раҳмон учрашувида эришилган келишувларни ҳаётга тадбиқ қилиш масаласига алоҳида эътибор қаратди, дейилади хабарда.
Икки президент ўртасидаги муносабатлар ўтган асрнинг 90-йиллари охирида совуқлашганидан бери Ўзбекистон билан Тожикистон ўзаро виза режимини жорий қилган ва Тошкент-Душанбе йўналиши бўйича авиақатнов олиб ташланган.
Тожикистон ташқи ишлар вазирлигига таяниб берилган хабарни расмий Тошкент изоҳлаганича йўқ.
12.01.2015
O‘zbekiston bilan Tojikiston o‘zaro viza rejimini bekor qilish va ikki mamlakat poytaxtlari o‘rtasida aviaqatnovni qayta yo‘lga qo‘yish masalasini muhokama qildi.
12news.uz nashrining Tojikiston tashqi ishlar vazirligiga tayanib xabar qilishicha, bu masala 8 yanvar kuni Tojikiston Tashqi ishlar vaziri o‘rinbosari Parviz Davlatzodaning O‘zbekistonning Dushanbedagi elchisi Shoqosim Shoislomov bilan uchrashuvi paytida muhokama etilgan.
Dushanbe rasmiysi o‘tgan yilning sentyabr oyida ikki mamlakat yetakchilari Islom Karimov bilan Imomali Rahmon uchrashuvida erishilgan kelishuvlarni hayotga tadbiq qilish masalasiga alohida e’tibor qaratdi, deyiladi xabarda.
Ikki prezident o‘rtasidagi munosabatlar o‘tgan asrning 90-yillari oxirida sovuqlashganidan beri O‘zbekiston bilan Tojikiston o‘zaro viza rejimini joriy qilgan va Toshkent-Dushanbe yo‘nalishi bo‘yicha aviaqatnov olib tashlangan.
Tojikiston tashqi ishlar vazirligiga tayanib berilgan xabarni rasmiy Toshkent izohlaganicha yo‘q.
ozodlik.org
