(krıl ve latın)
Президент Шавкат Мирзиёев ва Қозоғистон раҳбари Нурсултон Назарбоев ўртасида 19 ноябрда бўлиб ўтган телефон мулоқотида 2019 йилда Тошкентда ўтказиладиган Марказий Осиё президентларининг иккинчи маслаҳат учрашувига тайёргарлик ишлари хусусида фикр алмашилди.
Президент матбуот хизматининг маълум қилишича, мулоқот аввалида дўстлик, яхши қўшнилик ва стратегик шериклик муносабатлари изчил мустаҳкамланиб бораётганини чуқур мамнуният билан қайд этилди.
“Қозоғистонда Ўзбекистон йили доирасида ишбилармонлик ва маданий-гуманитар алмашув дастури сермазмун бўлгани қайд этилди. Йил бошидан буён жами 50 дан ортиқ қўшма тадбир ўтказилгани бунинг тасдиғидир”, дейилади расмий хабарда.
Шундан сўнг Марказий Осиё президентларининг иккинчи маслаҳат учрашувига тайёргарлик ишлари ҳақида ҳам сўз бўлган.
Марказий Осиё президентларининг биринчи маслаҳат учрашуви жорий йилнинг 15 мартида Шавкат Мирзиёев ташаббуси билан Астанада ўтказилган эди.
Prezident Shavkat Mirziyoyev va Qozog‘iston rahbari Nursulton Nazarboyev o‘rtasida 19 noyabrda bo‘lib o‘tgan telefon muloqotida 2019 yilda Toshkentda o‘tkaziladigan Markaziy Osiyo prezidentlarining ikkinchi maslahat uchrashuviga tayyorgarlik ishlari xususida fikr almashildi.
Prezident matbuot xizmatining ma’lum qilishicha, muloqot avvalida do‘stlik, yaxshi qo‘shnilik va strategik sheriklik munosabatlari izchil mustahkamlanib borayotganini chuqur mamnuniyat bilan qayd etildi.
“Qozog‘istonda O‘zbekiston yili doirasida ishbilarmonlik va madaniy-gumanitar almashuv dasturi sermazmun bo‘lgani qayd etildi. Yil boshidan buyon jami 50 dan ortiq qo‘shma tadbir o‘tkazilgani buning tasdig‘idir”, deyiladi rasmiy xabarda.
Shundan so‘ng Markaziy Osiyo prezidentlarining ikkinchi maslahat uchrashuviga tayyorgarlik ishlari haqida ham so‘z bo‘lgan.
Markaziy Osiyo prezidentlarining birinchi maslahat uchrashuvi joriy yilning 15 martida Shavkat Mirziyoyev tashabbusi bilan Astanada o‘tkazilgan edi.
Ozodlık
