(KRIL VA LATINDA)
Тожикистон ҳукумати Суриядаги қочқинлар лагерларида яшаётган тожикистонлик аёллар ва болаларни ватанларига қайтаришга тайёрлигини билдирди.Аввалроқ БМТ Суриядаги лагерларда қочқинлар чидаб бўлмас даражадаги оғир шароитларда яшаётганини маълум қилганди.Тожикистон Ташқи ишлар вазирлиги 5 октябрда тожик дипломатлари бу масалада Сурия ҳукумати вакиллари билан учрашганлари ҳақида хабар берди. Дипломатлар Тожикистонга қайтарилиши кутилаётган одамларнинг шахси ва аниқ сонини ўрганишмоқда.Тожик томони эга бўлган маълумотларга қараганда, Суриядаги қочқинлар лагерларида 575 аёл ва бола сақланмоқда. Уларнинг асосий қисми “Ислом давлати” сафига қўшилган оилаларнинг вакилларидир.Тожикистон жорий йил баҳорида Ироқдан 84 тожик боласини ватанига олиб келган эди. Бу болаларнинг оталари жангарилар сафларида ҳалок бўлган, оналари эса узоқ муддатга қамалган.Тожикистон ҳукуматининг билдиришича, 2014 йилдан бери 1900 нафар тожикистонлик Сурия ва Ироққа кетиб, “Ислом давлати” гуруҳиа қўшилган.
Tojikiston hukumati Suriyadagi qochqinlar lagerlarida yashayotgan tojikistonlik ayollar va bolalarni vatanlariga qaytarishga tayyorligini bildirdi.
Avvalroq BMT Suriyadagi lagerlarda qochqinlar chidab bo‘lmas darajadagi og‘ir sharoitlarda yashayotganini ma’lum qilgandi.
Tojikiston Tashqi ishlar vazirligi 5 oktyabrda tojik diplomatlari bu masalada Suriya hukumati vakillari bilan uchrashganlari haqida xabar berdi. Diplomatlar Tojikistonga qaytarilishi kutilayotgan odamlarning shaxsi va aniq sonini o‘rganishmoqda.
Tojik tomoni ega bo‘lgan ma’lumotlarga qaraganda, Suriyadagi qochqinlar lagerlarida 575 ayol va bola saqlanmoqda. Ularning asosiy qismi “Islom davlati” safiga qo‘shilgan oilalarning vakillaridir.
Tojikiston joriy yil bahorida Iroqdan 84 tojik bolasini vataniga olib kelgan edi. Bu bolalarning otalari jangarilar saflarida halok bo‘lgan, onalari esa uzoq muddatga qamalgan.
Tojikiston hukumatining bildirishicha, 2014 yildan beri 1900 nafar tojikistonlik Suriya va Iroqqa ketib, “Islom davlati” guruhia qo‘shilgan.
