(KRIL VA LOTINDA)
Тожикистон президенти Эмомали Раҳмон қишлоқ хўжалик ходимларига мурожаат қилиб бугун, 6 май куни кириб келган Рамазон ойида тутадиган рўзаларини бир ойга кечиктиришни тавсия қилди.
Озоди радиосининг бу ҳақда хабар қилишича, Рамазон кириб келиши муносабати билан телемурожаат қилган Эмомали Раҳмон мусулмонлар учун муқаддас бўлган Рамазон ойи бу йил иссиқ вақтга тўғри келганини айтар экан, “Далада ишловчи ва бошқа оғир ишлар билан шуғулланувчи одамлар рўза тутишлари билан бир қатор қийинчиликлар билан тўқнаш келишлари мумкин ва ҳатто соғлиқларига зиён етиши мумкин”, – деган.
Президентнинг сўзларига қараганда, деққонларнинг пешона тери билан етиштирилган ҳосил ўз вақтида йиғиштириб олинмаса, у ҳолда назарда тутилмаганган муаммоларни, масалан, қишлоқ хўжалик маҳсулотларининг нархи ошиши ва ҳатто очарчилик келтириб чиқариши мумкин.
“Мусулмон уламоларнинг асарларида оғир меҳнат билан шуғулланувчи одамлар, жумладан деҳқонлар ва ишчилар рўза тутмасликлари мумкинлиги таъкидланади. Бу инсонлар ўзлари учун қулай бўлган вақтда рўза тутиб беришлари мумкин. Шу ўринда муқаддас Қурьоннинг “Нисо” сурасида: “Ўзларингизни қийнаманг. Албатта, Аллоҳ сизларга меҳрибон ва раҳмлидир” дейилган”, – дея Раҳмондан ихтибос келтиради ТР президенти матбуот хизмати.
Президент Эмомали Раҳмон диндорларни кириб келган Рамазон ойи билан табриклар экан, мусулмонлар учун муқаддас бўлган ойда бозорлардаги нар[ларнинг кўтарилиб кетишини танқид қилди.
“Ҳозирданоқ савдогарлар Рамазон ойида ва байрам кунларида осон пул топиш мақсадида озиқ-овқат маҳсулотлари нархларини ошираётгани билан боғлиқ ҳолатлар кузатилмоқда, бу эса одамларнинг кайфиятини бузмоқда, уларда норозилик кайфиятларини келтириб чиқармоқда. Шу билан бу савдогарлар муқаддас ойда ўзлари ва оила аъзоларини баракадан маҳрум қиладилар”, – деган Эмомали Раҳмон.
Озоди радиосининг хабар қилишича, Тожикистонда Рамазон ойи бошланган 6 майдан бир неча кун аввал асосий озиқ-овқат маҳсулотлари – гўшт, шакар, ёғ, сабзавот ва ун бир неча баробар қимматлаган.
Tojikiston prezidenti Emomali Rahmon qishloq xo‘jalik xodimlariga murojaat qilib bugun, 6 may kuni kirib kelgan Ramazon oyida tutadigan ro‘zalarini bir oyga kechiktirishni tavsiya qildi.
Ozodi radiosining bu haqda xabar qilishicha, Ramazon kirib kelishi munosabati bilan telemurojaat qilgan Emomali Rahmon musulmonlar uchun muqaddas bo‘lgan Ramazon oyi bu yil issiq vaqtga to‘g‘ri kelganini aytar ekan, “Dalada ishlovchi va boshqa og‘ir ishlar bilan shug‘ullanuvchi odamlar ro‘za tutishlari bilan bir qator qiyinchiliklar bilan to‘qnash kelishlari mumkin va hatto sog‘liqlariga ziyon yetishi mumkin”, – degan.
Prezidentning so‘zlariga qaraganda, deqqonlarning peshona teri bilan yetishtirilgan hosil o‘z vaqtida yig‘ishtirib olinmasa, u holda nazarda tutilmagangan muammolarni, masalan, qishloq xo‘jalik mahsulotlarining narxi oshishi va hatto ocharchilik keltirib chiqarishi mumkin.
“Musulmon ulamolarning asarlarida og‘ir mehnat bilan shug‘ullanuvchi odamlar, jumladan dehqonlar va ishchilar ro‘za tutmasliklari mumkinligi ta’kidlanadi. Bu insonlar o‘zlari uchun qulay bo‘lgan vaqtda ro‘za tutib berishlari mumkin. Shu o‘rinda muqaddas Quronning “Niso” surasida: “O‘zlaringizni qiynamang. Albatta, Alloh sizlarga mehribon va rahmlidir” deyilgan”, – deya Rahmondan ixtibos keltiradi TR prezidenti matbuot xizmati.
Prezident Emomali Rahmon dindorlarni kirib kelgan Ramazon oyi bilan tabriklar ekan, musulmonlar uchun muqaddas bo‘lgan oyda bozorlardagi nar[larning ko‘tarilib ketishini tanqid qildi.
“Hozirdanoq savdogarlar Ramazon oyida va bayram kunlarida oson pul topish maqsadida oziq-ovqat mahsulotlari narxlarini oshirayotgani bilan bog‘liq holatlar kuzatilmoqda, bu esa odamlarning kayfiyatini buzmoqda, ularda norozilik kayfiyatlarini keltirib chiqarmoqda. Shu bilan bu savdogarlar muqaddas oyda o‘zlari va oila a’zolarini barakadan mahrum qiladilar”, – degan Emomali Rahmon.
Ozodi radiosining xabar qilishicha, Tojikistonda Ramazon oyi boshlangan 6 maydan bir necha kun avval asosiy oziq-ovqat mahsulotlari – go‘sht, shakar, yog‘, sabzavot va un bir necha barobar qimmatlagan.
https://www.ozodlik.org/a/tojikiston-ramazon/29923648.html
