“Amerika ovozi” muxbiri O‘zbekistonda akkreditatsiyadan o‘tkazildi

13.05.2018

“Amerika ovozi” radiosining o‘zbek xizmati muxbiri Navbahor Imamova O‘zbekistonda jurnalistlik faoliyatini olib borish uchun rasman akkreditatsiyadan o‘tkazilgan.

Bu haqida AQSh Davlat departamenti Janubiy va Markaziy Osiyo byurosi Tvitterdagi sahifasida ma’lum qildi.

“Navbahor O‘zbekistonda akkreditatsiyadan o‘tgan yagona va birinchi AQSh jurnalistidir. U O‘zbekistonda professional va erkin jurnalistikani ilgari surishda yetakchidir”, deyiladi mazkur xabarda.

Navbahor Imamova “Amerika Manzaralari” turkumidagi ilk teledasturlar muallifidir.

“Amerika ovozi” radiosi muxbirining akkretitatsiyadan o‘tkazilishi O‘zbekiston prezidentining AQShga rasmiy tashrifi arafasida amalga oshdi.

15 may kuni prezident Shavkat Mirziyoyev AQShlik hamkasbi Donald Tramp bilan Oq uyda uchrashadi.

Америка овози” мухбири Ўзбекистонда аккредитациядан ўтказилди

“Америка овози” радиосининг ўзбек хизмати мухбири Навбаҳор Имамова Ўзбекистонда журналистлик фаолиятини олиб бориш учун расман аккредитациядан ўтказилган.

Бу ҳақида АҚШ Давлат департаменти Жанубий ва Марказий Осиё бюроси Твиттердаги саҳифасида маълум қилди.

“Навбаҳор Ўзбекистонда аккредитациядан ўтган ягона ва биринчи АҚШ журналистидир. У Ўзбекистонда профессионал ва эркин журналистикани илгари суришда етакчидир”, дейилади мазкур хабарда.

Навбаҳор Имамова “Америка Манзаралари” туркумидаги илк теледастурлар муаллифидир.

“Америка овози” радиоси мухбирининг аккретитациядан ўтказилиши Ўзбекистон президентининг АҚШга расмий ташрифи арафасида амалга ошди.

15 май куни президент Шавкат Мирзиёев АҚШлик ҳамкасби Доналд Трамп билан Оқ уйда учрашади.

Ozodlik

Related posts

Yorum yazın