Yozuvchi N.M. Raufxonga qarshi yangi fitna (Lotin va Kirilda)
31 Ekim 2017  //  By:   //  O'zbekistan, TÜRKİSTAN HABER  //  No Comment   //   268 Okunma

31.10.2017

Mustaqil jurnalist Ismat Xushevning “Dunyo O‘zbeklari” sahifasida e’lon qilingan “MXX Prezidentni orqaga chekintirolmaydi!” nomli maqolada aytilishicha haqiqiy xalq yozuvchisi, “Bu Kunlar” ijtimoiy siyosiy romanining muallifi Nurulloh Muhammad Raufxonga qarshi yangi bir fitna harakati boshlanganga o‘xshaydi…

“O‘zbekiston Axborot va Matbuot Agentli Bosh direktori Laziz Xushboqovich Tangriyev rahbarligida – yozuvchi Nurulloh Muhammad Raufxon qalamiga mansub “Bu kunlar” kitobiga yana salbiy manosabat bildirish harakatlari borayotgani haqida xabar bergandik.<br /><br />Maqola e’lon qilinganidan so‘ng kuni kecha mazkur yig‘ilishning uchinchisi ham bo‘lib o‘tdi. Hamma bir ovozdan Bosh direktor taklifini qo‘llab quvvatladi va Nurulloh Muhammad Raufxon kitobi odamlarni davlat to‘ntarishiga tayyorlab, hukumatni bosib olishga da’vat etuvchi asar degan yakdil xulosaga kelindi…” (http://www.dunyouzbeklari.com/?p=186907)

Ya’ni, bu xulosaga ko‘ra, Toshkent shahar prokraturasining Nurulloh Muhammad Raufxonga qarshi “Bu kunlar” kitobida davlat to‘ntarishiga urinishga da’vat iddaosi tasdiqlab berilgan…<br /><br />Ma’lumki, yozuvchi Nurulloh Muhammad Raufxon keyingi ikki yil yashagan Turkiyadan shu 26 Sentyabrda Toshkentga qaytib borganidan keyin qo‘llari kishanlanib, Toshtyurmaga qamoqqa tashlangandi. Ammo O‘zbekiston hukumatining bu adolatsizligi vatanimizda va xorijiy davlatlarda, xususan internetdagi ijtimoiy tarmoqlarda juda katta norozilikka sabab bo‘lgan va besh kundan keyin yozuvchi qamoqdan ozod qilingandi.

Ayni paytda ushbu voqea O‘zbek jamiyatda hali ham vatanimiz va davlatimizning moddiy va ma’naviy taraqqiyotini istaydigan o‘n minglarcha taraqqiyparvar ziyolilar, ijtimoiy siyosiy va inson huquqlari faollari borligini ko‘rsatgandi.<br /><br />Nurulloh Muhammad Raufxonning o‘zi Faysbook tarmog‘ida 23 Oktyabrda o‘zining ozod qilinishi to‘g‘risida shunday ma’lumot bergandi:<br /><br />”Tashvishli kunlarim menga joni-dili bilan qayishgan do‘stlarimdan biri bugun tilpon qildi. Odamni to‘lqinlantirib yuboradigan bir-ikki xabar aytib qoldi.<br />Mening ishimga shaxsan Prezident aralashibdi! Qamoqdan shoshilinch chiqarilishim bevosita u kishining tashabbusi ekan!<br />To‘g‘risi, ilk kundanoq men buni taxmin qilgan edim. Ammo qo‘limda aniq bir bilgi bo‘lmagani uchun to shu kungacha indamay keldim. Do‘stimning qat’iy ishonch bilan aytgan gapi mening taxminimni ham qat’iy ishonchga aylantirdi. Ko‘nglim ko‘tarildi. Hozircha “Ish”im to‘la yopilmagan, kelajak taqdirim hali uncha oydin emasa-da, oldindan o‘zim va oilam nomidan mamnuniyat va tashakkurlarimni bildirib qo‘ygim keldi. Olloh rozi bo‘lsin!

Men-ku bor-yo‘g‘i besh kun qamoqda yotdim va shu besh kunlik ayriliqdan so‘ng oilamga qovushganimda uyimizda shunchalar bayram bo‘lib ketdi! Yillab qamoqda o‘tirgan hamkasabalarimiz ham shu kunlarda birin-ketin ozod qilinishyapti, endi ularning oilalarida nechog‘li xursandchiliklar bo‘lyapti ekan!<br /><br />Yaqinda Prezidentning maxsus farmoni bilan umumiy afv yo‘lida katta xayrli ish boshlandi. Demak, tez orada tag‘in minglab oilada Ollohga shukrlar, davlat va Prezident haqiga duolar yangraydi.<br /><br />O‘zbekistonda yangi davr boshlangani, yangi O‘zbekiston tug‘ila boshlagani chin bo‘lsin!<br />Nurulloh Muhammad Raufxon<br />2017 yil o‘ktabirining 22-kuni.”<br

Men ham, men a’zo bo‘lgan “Turkistonliklar Jamiyati” ham O‘zbekistonning yangi Prezidenti Shavkat Mirziyoyevning vatanimizda yangi davr boshlanishi uchun amalga oshirayotgan sa’yi harakatlarini e’tirof qilganmiz. Xususan, O‘zbekiston Prezidenti 25 OktyabrdaTurkiyaga rasmiy tashrif bilan kelganda biz jamiyatimiz nomidan Prezidentga yuborilgan maktubda shunlarni ta’kidlagan edik:<br /><br />”Shuningdek, Prezidentlik vazifasini boshlaganingizdan keyin amalga oshirilgan ishlar, islohotlar va boshqa ijobiy jarayonlardan qoniqishimizni bildiramiz.

O‘zbek xalqi munosib bo‘lgan erkinlik muhitiga to‘sqinlik qilayotgan omillarni olib tashlash masalasida qilgan nutqlar va ko‘rsatmalaringiz,<br />- Majburiy paxta terishni bekor qilishingiz.<br />- Poraxo‘rlikda ayblangan Shuhrat G‘ulomov va Gulnora Karimova kabi shaxslarning jazolanishi.<br />- Mamlakatga qaytib kelgan yozuvchi Nurulloh Muhammad Raufxonning ozod qilinishi,<br />-Ba’zi yozuvchilar va inson huquqlari himoyachilarining qamoqdan chiqarilishi,<br />- Diniy jihatdan ayblangan 16 ming kishining “qora ro‘yxat”dan chiqarilishi.<br /><br />- Surgandagi ba’zi siyosiy muxoliflarning “Interpolning jinoyat ro‘yxati” dan o‘chirilishi.<br />- Qur’on hofizlari tayyorlash haqidagi ta’limotingiz.<br />- Imom Buxoriy, Imom Maturidiy, Ulug‘bek, Xorazmiy kabi buyuk olimlarimizni O‘zbekiston yoshlariga namuna ko‘rasatishingiz va ularning nomlari beriladigan institutlarni tuzish haqidagi topshiriqlaringiz.<br /><br />- Mamlakatdan chiqish vizasining (OVIR) bekor qilinishi.<br /><br />-Qo‘shni o‘lkalar bilan chegara muammolarining hal qilinishi va yaxshi munosabatlarning yo‘lga qo‘yilishi kabi bu yerga sig‘maydigan boshqa yaxshi taraqqiyparvar odimlar.<br /><br />Bu ijobiy qadamlarning yonida:<br /><br />- Barcha diniy va siyosiy mahbuslarning ozod qilinishi va mamlakatimiz nomiga qora dog‘ bo‘lgan “Jasliq” qamoqxonasini yopish.<br />- Poraxo‘rlik va qiynoqlar kabi jinoyatlar sodir qilganlarni jazolash, bundan keyin ularga yo‘l qo‘ymaslik uchun zarur choralar ko‘rilishi,<br />- Hijobda bo‘lishni istagan ayol va qizlarimizning maktablarga va boshqa jamoat joylariga erkin kirishi.<br />- 18 yoshgacha bo‘lgan bolalarimizga Qur’on hofizligi darslari va va boshqa diniy ta’lim berish,<br />- 18 yoshdan kichkina bolalarimizga masjidlarda namoz o‘qishga ruxsat berilishi,<br /><br />-Azon ovozining Musulmon mamlakatlardagi kabi jome’ va masjidlarning tashqarisida ham eshitilishi.<br />- Mamlakatni tark etishga majbur bo‘lgan barcha diniy va siyosiy muxoliflarning vatanga qaytishi kabi xususlarni Sizga taklif qilamiz.”

(Qarang: http://turkistanlilar.org/%D1%85%D0%B0%D0%BB%D2%9B%D0%B0%D…/)

Ya’ni, Islom Karimov o‘lganidan keyin yangi Prezident Shavkat Mirziyoyev O‘zbekistonda ijtimoiy siyosiy islohotlar o‘tkazilishiga asos bo‘ladigan siyosiy qadamlar qo‘ygani bir haqiqatdir. Xalqimizning asl farzandlaridan biri bo‘lgan iste’dodli yozuvchi Nurulloh Muhammad Raufxon xuddi shunday ijobiy isloholtlarga ishonib vatanimizga qaytib bordi. Unga pasporti qaytarib berilganda ham u vatanimizdan qayta chiqib ketishni o‘ylamadi…<br /><br />Xullas, O‘zbekiston Axborot va Matbuot Agentligining Nurulloh Muhammad Raufxonning “Bu Kunlar” kitobi odamlarni davlat to‘ntarishiga tayyorlab, hukumatni bosib olishga da’vat etuvchi asar degan xulosasi yozuvchiga ochiq tuhmat va bo‘htondan boshqa narsa emas.<br /><br />Yozuvchi Nurulloh Muhammad Raufxonning taqdiri O‘zbekiston qayoqqa qarab ketadi, ya’ni Islom Karimov diktaturasiga qaytadimi yoki Shavkat Mirziyoyev haqiqiy islohotchi Prezident bo‘ladimi, degan savolning javobida muhim bir nuqta bo‘lishi shubhasizdir. Umid qilamizki, O‘zbekiston Prezidenti o‘zi boshlagan haqiqiy islohotlardan voz kechmaydi va shu jumladan hurmatli yozuvchimizni himoya qilishda davom etadi.<br /><br />Shu bilan birga hurmatli yozuvchimiz qamalgan kunlari uni himoya qilib oyoqqa turgan barcha do‘stlarga murojaat qilaman va haqiqiy xalq yozuvchisi Nurulloh Muhammad Raufxonning taqdiriga befarq bo‘lmaslikka chaqiraman.<br /><br />Namoz NORMO‘MIN<br />31.10.2017

Мустақил журналист Исмат Хушевнинг “Дунё Ўзбеклари” саҳифасида эълон қилинган “МХХ Президентни орқага чекинтиролмайди!” номли мақолада айтилишича ҳақиқий халқ ёзувчиси, “Бу Кунлар” ижтимоий сиёсий романининг муаллифи Нуруллоҳ Муҳаммад Рауфхонга қарши янги бир фитна ҳаракати бошланганга ўхшайди…

Ушбу мақоладан иқтибос:

“Ўзбекистон Ахборот ва Матбуот Агентли Бош директори Лазиз Хушбоқович Тангриев раҳбарлигида – ёзувчи Нуруллоҳ Муҳаммад Рауфхон қаламига мансуб “Бу кунлар” китобига яна салбий маносабат билдириш ҳаракатлари бораётгани ҳақида хабар бергандик.

Мақола эълон қилинганидан сўнг куни кеча мазкур йиғилишнинг учинчиси ҳам бўлиб ўтди. Ҳамма бир овоздан Бош директор таклифини қўллаб қувватлади ва Нуруллоҳ Муҳаммад Рауфхон китоби одамларни давлат тўнтаришига тайёрлаб, ҳукуматни босиб олишга даъват этувчи асар деган якдил хулосага келинди…” (http://www.dunyouzbeklari.com/?p=186907)

Яъни, бу хулосага кўра, Тошкент шаҳар прократурасининг Нуруллоҳ Муҳаммад Рауфхонга қарши “Бу кунлар” китобида давлат тўнтаришига уринишга даъват иддаоси тасдиқлаб берилган…

Маълумки, ёзувчи Нуруллоҳ Муҳаммад Рауфхон кейинги икки йил яшаган Туркиядан шу 26 Сентябрда Тошкентга қайтиб борганидан кейин қўллари кишанланиб, Тоштюрмага қамоққа ташланганди. Аммо Ўзбекистон ҳукуматининг бу адолатсизлиги ватанимизда ва хорижий давлатларда, хусусан интернетдаги ижтимоий тармоқларда жуда катта норозиликка сабаб бўлган ва беш кундан кейин ёзувчи қамоқдан озод қилинганди.

Айни пайтда ушбу воқеа Ўзбек жамиятда ҳали ҳам ватанимиз ва давлатимизнинг моддий ва маънавий тараққиётини истайдиган ўн мингларча тараққийпарвар зиёлилар, ижтимоий сиёсий ва инсон ҳуқуқлари фаоллари борлигини кўрсатганди.

Нуруллоҳ Муҳаммад Рауфхоннинг ўзи Файсбоок тармоғида 23 Октябрда ўзининг озод қилиниши тўғрисида шундай маълумот берганди:

“Ташвишли кунларим менга жони-дили билан қайишган дўстларимдан бири бугун тилпон қилди. Одамни тўлқинлантириб юборадиган бир-икки хабар айтиб қолди.
Менинг ишимга шахсан Президент аралашибди! Қамоқдан шошилинч чиқарилишим бевосита у кишининг ташаббуси экан!
Тўғриси, илк кунданоқ мен буни тахмин қилган эдим. Аммо қўлимда аниқ бир билги бўлмагани учун то шу кунгача индамай келдим. Дўстимнинг қатъий ишонч билан айтган гапи менинг тахминимни ҳам қатъий ишончга айлантирди. Кўнглим кўтарилди. Ҳозирча “Иш”им тўла ёпилмаган, келажак тақдирим ҳали унча ойдин эмаса-да, олдиндан ўзим ва оилам номидан мамнуният ва ташаккурларимни билдириб қўйгим келди. Оллоҳ рози бўлсин!

Мен-ку бор-йўғи беш кун қамоқда ётдим ва шу беш кунлик айрилиқдан сўнг оиламга қовушганимда уйимизда шунчалар байрам бўлиб кетди! Йиллаб қамоқда ўтирган ҳамкасабаларимиз ҳам шу кунларда бирин-кетин озод қилинишяпти, энди уларнинг оилаларида нечоғли хурсандчиликлар бўляпти экан!

Яқинда Президентнинг махсус фармони билан умумий афв йўлида катта хайрли иш бошланди. Демак, тез орада тағин минглаб оилада Оллоҳга шукрлар, давлат ва Президент ҳақига дуолар янграйди.

Ўзбекистонда янги давр бошлангани, янги Ўзбекистон туғила бошлагани чин бўлсин!
Нуруллоҳ Муҳаммад Рауфхон
2017 йил ўктабирининг 22-куни.”

Мен ҳам, мен аъзо бўлган “Туркистонликлар Жамияти” ҳам Ўзбекистоннинг янги Президенти Шавкат Мирзиёевнинг ватанимизда янги давр бошланиши учун амалга ошираётган саъйи ҳаракатларини эътироф қилганмиз. Хусусан, Ўзбекистон Президенти 25 ОктябрдаТуркияга расмий ташриф билан келганда биз жамиятимиз номидан Президентга юборилган мактубда шунларни таъкидлаган эдик:

“Шунингдек, Президентлик вазифасини бошлаганингиздан кейин амалга оширилган ишлар, ислоҳотлар ва бошқа ижобий жараёнлардан қониқишимизни билдирамиз.

Яъни;

-Ўзбек халқи муносиб бўлган эркинлик муҳитига тўсқинлик қилаётган омилларни олиб ташлаш масаласида қилган нутқлар ва кўрсатмаларингиз,
– Мажбурий пахта теришни бекор қилишингиз.
– Порахўрликда айбланган Шуҳрат Ғуломов ва Гулнора Каримова каби шахсларнинг жазоланиши.
– Мамлакатга қайтиб келган ёзувчи Нуруллоҳ Муҳаммад Рауфхоннинг озод қилиниши,
-Баъзи ёзувчилар ва инсон ҳуқуқлари ҳимоячиларининг қамоқдан чиқарилиши,
– Диний жиҳатдан айбланган 16 минг кишининг “қора рўйхат”дан чиқарилиши.

– Сургандаги баъзи сиёсий мухолифларнинг “Интерполнинг жиноят рўйхати” дан ўчирилиши.
– Қуръон ҳофизлари тайёрлаш ҳақидаги таълимотингиз.
– Имом Бухорий, Имом Матуридий, Улуғбек, Хоразмий каби буюк олимларимизни Ўзбекистон ёшларига намуна кўрасатишингиз ва уларнинг номлари бериладиган институтларни тузиш ҳақидаги топшириқларингиз.

– Мамлакатдан чиқиш визасининг (ОВИР) бекор қилиниши.

-Қўшни ўлкалар билан чегара муаммоларининг ҳал қилиниши ва яхши муносабатларнинг йўлга қўйилиши каби бу ерга сиғмайдиган бошқа яхши тараққийпарвар одимлар.

Бу ижобий қадамларнинг ёнида:

– Барча диний ва сиёсий маҳбусларнинг озод қилиниши ва мамлакатимиз номига қора доғ бўлган “Жаслиқ” қамоқхонасини ёпиш.
– Порахўрлик ва қийноқлар каби жиноятлар содир қилганларни жазолаш, бундан кейин уларга йўл қўймаслик учун зарур чоралар кўрилиши,
– Ҳижобда бўлишни истаган аёл ва қизларимизнинг мактабларга ва бошқа жамоат жойларига эркин кириши.
– 18 ёшгача бўлган болаларимизга Қуръон ҳофизлиги дарслари ва ва бошқа диний таълим бериш,
– 18 ёшдан кичкина болаларимизга масжидларда намоз ўқишга рухсат берилиши,

-Азон овозининг Мусулмон мамлакатлардаги каби жомеъ ва масжидларнинг ташқарисида ҳам эшитилиши.
– Мамлакатни тарк этишга мажбур бўлган барча диний ва сиёсий мухолифларнинг ватанга қайтиши каби хусусларни Сизга таклиф қиламиз.” (Қаранг: http://turkistanlilar.org/%D1%85%D0%B0%D0%BB%D2%9B%D0%B0%D…/)

Яъни, Ислом Каримов ўлганидан кейин янги Президент Шавкат Мирзиёев Ўзбекистонда ижтимоий сиёсий ислоҳотлар ўтказилишига асос бўладиган сиёсий қадамлар қўйгани бир ҳақиқатдир. Халқимизнинг асл фарзандларидан бири бўлган истеъдодли ёзувчи Нуруллоҳ Муҳаммад Рауфхон худди шундай ижобий ислоҳолтларга ишониб ватанимизга қайтиб борди. Унга паспорти қайтариб берилганда ҳам у ватанимиздан қайта чиқиб кетишни ўйламади…

Хуллас, Ўзбекистон Ахборот ва Матбуот Агентлигининг Нуруллоҳ Муҳаммад Рауфхоннинг “Бу Кунлар” китоби одамларни давлат тўнтаришига тайёрлаб, ҳукуматни босиб олишга даъват этувчи асар деган хулосаси ёзувчига очиқ туҳмат ва бўҳтондан бошқа нарса эмас.

Ёзувчи Нуруллоҳ Муҳаммад Рауфхоннинг тақдири Ўзбекистон қаёққа қараб кетади, яъни Ислом Каримов диктатурасига қайтадими ёки Шавкат Мирзиёев ҳақиқий ислоҳотчи Президент бўладими, деган саволнинг жавобида муҳим бир нуқта бўлиши шубҳасиздир. Умид қиламизки, Ўзбекистон Президенти ўзи бошлаган ҳақиқий ислоҳотлардан воз кечмайди ва шу жумладан ҳурматли ёзувчимизни ҳимоя қилишда давом этади.

Шу билан бирга ҳурматли ёзувчимиз қамалган кунлари уни ҳимоя қилиб оёққа турган барча дўстларга мурожаат қиламан ва ҳақиқий халқ ёзувчиси Нуруллоҳ Муҳаммад Рауфхоннинг тақдирига бефарқ бўлмасликка чақираман.

Намоз НОРМЎМИН
31.10.2017

Görüntünün olası içeriği: 1 kişi, sakal, okyanus ve açık hava

Yorum Yapın