Tojikiston – O‘zbekiston chegarasini kuniga 10 mingdan ziyod fuqaro kesib o‘tmoqda
2 Nisan 2018  //  By:   //  Özbekistan, Tacikistan, TÜRKİSTAN  //  No Comment   //   67 Okunma

02.04.2018

Tojikiston Milliy xavfsizlik davlat qo‘mitasi chegara qo‘shinlari ma’lumotiga ko‘ra, Toshkent va Dushanbe o‘rtasidagi viza rejimi bekor qilinganidan so‘ng Tursunzoda-Sariosiyo va Panjakent-Samarqand yo‘nalishida har ikki davlatdan o‘rtacha 2 mingga yaqin fuqaro har kuni Tojikiston-O‘zbekiston chegarasini kesib o‘tmoqda.

Boshqa nazorat-o‘tkazish punktlarida har ikki davlat fuqarolari tomonidan ikki davlat chegarasini kesib o‘tmoqchi bo‘lganlar soni har bir sutkada 400dan 1 ming kishiga yaqinni tashkil etmoqda, deya ta’kidlab o‘tishgan Tojikiston chegara qo‘shinlaridan.

«Umumiy hisobda, har kuni ikki davlat o‘rtasidagi chegarani 10 mingdan ortiq fuqaro kesib o‘tmoqda, O‘zbekiston yoki Tojikistonga bormoqchi bo‘lganlar soni har kuni o‘sib bormoqda», – deya ma’lum qilishgan Tojikiston chegara qo‘shinlaridan.

Tojikiston Milliy xavfsizlik davlat qo‘mitasi chegara qo‘shinlari matbuot kotibi Muhammad Ulug‘xo‘jaevning so‘zlariga ko‘ra, mamlakat O‘zbekiston bilan chegaradagi nazorat-o‘tkazish punktlarida ishlayotgan o‘z chegarachilari sonini asta-sekin oshirmoqda. Bu chegarani kesib o‘tish chog‘ida katta navbatlar paydo bo‘lmasligi uchun qilinyapti.

O‘zbekiston TIV xabariga ko‘ra, 2017 yilning 9 oyi davomida O‘zbekiston TIV Konsullik boshqarmasi va konsullik muassasalari tomonidan eng ko‘p konsullik harakatlari O‘zbekistonning Tojikistondagi elchixonasida amalga oshirilgan – 55 ming 938, deb xabar bermoqda AP.

Eslatib o‘tamiz, O‘zbekiston va Tojikiston o‘rtasidagi chegarada 1 mart kuni bitta temir yo‘l va sakkizta avtomobilь o‘tkazish punkti, shuningdek, bitta chegara posti o‘z ishini tikladi.

Тожикистон – Ўзбекистон чегарасини кунига 10 мингдан зиёд фуқаро кесиб ўтмоқда

Тожикистон Миллий хавфсизлик давлат қўмитаси чегара қўшинлари маълумотига кўра, Тошкент ва Душанбе ўртасидаги виза режими бекор қилинганидан сўнг Турсунзода-Сариосиё ва Панжакент-Самарқанд йўналишида ҳар икки давлатдан ўртача 2 мингга яқин фуқаро ҳар куни Тожикистон-Ўзбекистон чегарасини кесиб ўтмоқда.

Бошқа назорат-ўтказиш пунктларида ҳар икки давлат фуқаролари томонидан икки давлат чегарасини кесиб ўтмоқчи бўлганлар сони ҳар бир суткада 400дан 1 минг кишига яқинни ташкил этмоқда, дея таъкидлаб ўтишган Тожикистон чегара қўшинларидан.

«Умумий ҳисобда, ҳар куни икки давлат ўртасидаги чегарани 10 мингдан ортиқ фуқаро кесиб ўтмоқда, Ўзбекистон ёки Тожикистонга бормоқчи бўлганлар сони ҳар куни ўсиб бормоқда», – дея маълум қилишган Тожикистон чегара қўшинларидан.

Тожикистон Миллий хавфсизлик давлат қўмитаси чегара қўшинлари матбуот котиби Муҳаммад Улуғхўжаевнинг сўзларига кўра, мамлакат Ўзбекистон билан чегарадаги назорат-ўтказиш пунктларида ишлаётган ўз чегарачилари сонини аста-секин оширмоқда. Бу чегарани кесиб ўтиш чоғида катта навбатлар пайдо бўлмаслиги учун қилиняпти.

Ўзбекистон ТИВ хабарига кўра, 2017 йилнинг 9 ойи давомида Ўзбекистон ТИВ Консуллик бошқармаси ва консуллик муассасалари томонидан энг кўп консуллик ҳаракатлари Ўзбекистоннинг Тожикистондаги элчихонасида амалга оширилган – 55 минг 938, деб хабар бермоқда АП.

Эслатиб ўтамиз, Ўзбекистон ва Тожикистон ўртасидаги чегарада 1 март куни битта темир йўл ва саккизта автомобиль ўтказиш пункти, шунингдек, битта чегара пости ўз ишини тиклади.

Türkistader Haber Merkezi

Yorum Yapın