Özbekiston’da bolalarni hayit namoziga olib borganlar jarimaga tortiladi (Özbekçe ve Türkçe)
26 Eylül 2015  //  By:   //  Özbekistan  //  No Comment   //   816 Okunma

27.09.2015

Özbek yönetiminin çocuklarını bayram namazına götürenleri çeşitli cezalarla korkuttuğu bildirildi

Özbekistan’da İslam Kerimov rejiminin Kurban bayramı arifesinde imamlara 17 yaşından küçük çocukları bayram namazında cami ve mescitlere almama uyarısında bulunduğu, buna uymayanları cezalandırmakla tehdit ettiği ortaya çıktı.

“Ozodlik” radyosunun haberine göre, mahalli hükümet yetkilileri okul öğrencileri ve ebeveynlerine çocukların bayram namazına gitmemesi için bir metin imzalattı.

Taşkent’te yakın Uçtepa ilçesindeki 124 numaralı okulun adını açıklamadan radyoya konuşan bir öğretmeni okul öğrencileri ve onların anne ve babalarına çocukların bayram namazına katılmaması için çalışma yürüttüklerini tastık etti. Öğretmenin açıklamaları şöyle:

“Okulumuzda sınıf öğretmenleri öğrencilerin velileri ile bir araya geldi ve çocukların camiye gitmemesi konusunda uyarıda bulundular. Çocuklarn yetişkinlerin ibadetine zarar vereceği bildirildi. Bir de çocukların güvenliği için bu uygulama getirildi. Acil durumlarda çocukların ezilme tehlikesi olabilir…”

Taşkent’teki Hoca Alambardor Camii imamı ise küçük yaşta olanların sadece bayram namazına değil, Cuma namazına da katılmalarının yasaklandığını bildirdi. İmam, “17 yaşından küçük olanları Camimize almıyoruz. Her türlü olay ortaya çıkabilir. Bunu uygun bir şekilde halkımıza anlatıyoruz” dedi.

Semerkant’ın Urgut ilçesinde ise yetkililer çocuklarını bayram namazına gönderenlerin 15 aylık maaşını kesmekle tehdit ettiler.

O‘zbekistonda Qurbon hayiti arafasida maktab va kollejlarda o‘quvchilar bayram namozini o‘qish uchun masjidlarga bormaslik haqida ogohlantirilmoqda. Ayrim maktablarda ota-onalar va maktab o‘quvchilaridan bu haqda tilxatlar olingan. Ayni paytda O‘zbekistondagi masjid imomlariga ham 17 yoshgacha bo‘lganlarni Hayit namoziga qo‘ymaslik qattiq topshirilgan.

Toshkentning Uchtepa tumanidagi 124-sonli maktabning ismi ochiqlanmasligi sharti bilan Ozodlikka gapirgan o‘qituvchisi bolalarni Hayit namoziga olib bormaslik haqida ota-onalarga tushuntirish ishlari olib borilayotganini tasdiqladi.

– Ota-onalar bilan sinf rahbarlari bugun bu haqda uchrashib, bolalarni masjidga olib bormaslik aytildi. Bolalar kattalarning ibodatini buzib qo‘yishi mumkin, deyildi. Bundan tashqari bolalarni xavfsizligini o‘ylab qilinyapti bu. Har xil favqulodda holatlar bo‘lishi mumkin. Oyoq ostida qolib ketishi mumkin, – deydi toshkentlik muallim.

Samarqandning Urgut tumanidagi maktablardan birida esa bolalarini Hayit namoziga olib bormaslik haqida ota-onalardan tilxatlar olingan, talabni buzganlar 15 minimal oylik miqdorida jarimaga tortilishi haqida ogohlantirilgan.

Ayni paytda O‘zbekistondagi masjid imomlariga ham 17 yoshgacha bo‘lganlarni Hayit namozi payti masjidga yaqin yo‘latmaslik qattiq topshirilgan.

Toshkentdagi “Xo‘ja Alambardor” jome’ masjidi mutavallilaridan biri Ozodlik bilan suhbatda, nafaqat Hayit namozlari balki juma namozlariga ham, bolalarni olib kelmaslik tavsiya qilinayotganini aytdi.

– 17 yoshgacha bo‘lganlar masjidga qo‘yilmaydi. Har xil narsa bo‘lib qolishi mumkin-da. Hozir bu qattiq qo‘yilgan va biz shuni odamlarga chiroyli qilib tushuntiryapmiz, – dedi masjid mutavallisi.

O‘zbekiston prezidentining hayitni nishonlash to‘g‘risidagi qarorida “Nuroniy”, “Mahalla” va boshqa tegishli tashkilotlar o‘zbek xalqining milliy qadriyatlaridan kelib chiqqan holda Hayit bayramini yuqori darajada nishonlanishini uyushtirish haqida ko‘rsatma berilgan.

Namanganlik mahalla faoli Ubaydullo Azimov ham Ozodlik bilan suhbatda yosh bolalarni masjidga yo‘latmaslik to‘g‘ri ekanini aytadi.

– Yosh bolalar o‘qishini o‘qisin. Bolani miyasi chalg‘imasin, deyishyapti-da. Faqat, maktabda berilgan darsliklarni o‘qisin. Maktabni yaxshi o‘qisa oliygohlarda o‘qiydi, yetuk odam bo‘lib yetishadi-da. Maktabni bitirganidan keyin masjidga borsin, – deydi Ubaydullo Azimov.

O‘zbekistonda Qurbon hayiti 24 sentyabr kuni nishonlanadi.

O‘zbekiston Prezidenti Islom Karimovning 18 sentyabrdagi qaroriga ko‘ra, 24 sentyabr mamlakatda dam olish kuni deb e’lon qilindi.

Hayit namozi payshanba kuni kuni Toshkent vaqti bilan soat tonggi 6:30 o‘qilishi xabar qilindi.

O‘tgan yilgidek bu yil ham Qurbon bayrami O‘zbekistonda paxta terimi kampaniyasi avj pallaga chiqqan paytga to‘g‘ri kelayapti.

 

Болаларни Ҳайит намозига олиб борганлар жаримага тортилади

Ўзбекистонда Қурбон ҳайити арафасида мактаб ва коллежларда ўқувчилар байрам намозини ўқиш учун масжидларга бормаслик ҳақида огоҳлантирилмоқда. Айрим мактабларда ота-оналар ва мактаб ўқувчиларидан бу ҳақда тилхатлар олинган. Айни пайтда Ўзбекистондаги масжид имомларига ҳам 17 ёшгача бўлганларни Ҳайит намозига қўймаслик қаттиқ топширилган.

Тошкентнинг Учтепа туманидаги 124-сонли мактабнинг исми очиқланмаслиги шарти билан Озодликка гапирган ўқитувчиси болаларни Ҳайит намозига олиб бормаслик ҳақида ота-оналарга тушунтириш ишлари олиб борилаётганини тасдиқлади.

– Ота-оналар билан синф раҳбарлари бугун бу ҳақда учрашиб, болаларни масжидга олиб бормаслик айтилди. Болалар катталарнинг ибодатини бузиб қўйиши мумкин, дейилди. Бундан ташқари болаларни хавфсизлигини ўйлаб қилиняпти бу. Ҳар хил фавқулодда ҳолатлар бўлиши мумкин. Оёқ остида қолиб кетиши мумкин, – дейди тошкентлик муаллим.

Самарқанднинг Ургут туманидаги мактаблардан бирида эса болаларини Ҳайит намозига олиб бормаслик ҳақида ота-оналардан тилхатлар олинган, талабни бузганлар 15 минимал ойлик миқдорида жаримага тортилиши ҳақида огоҳлантирилган.

Айни пайтда Ўзбекистондаги масжид имомларига ҳам 17 ёшгача бўлганларни Ҳайит намози пайти масжидга яқин йўлатмаслик қаттиқ топширилган.

Тошкентдаги “Хўжа Аламбардор” жомеъ масжиди мутаваллиларидан бири Озодлик билан суҳбатда, нафақат Ҳайит намозлари балки жума намозларига ҳам, болаларни олиб келмаслик тавсия қилинаётганини айтди.

– 17 ёшгача бўлганлар масжидга қўйилмайди. Ҳар хил нарса бўлиб қолиши мумкин-да. Ҳозир бу қаттиқ қўйилган ва биз шуни одамларга чиройли қилиб тушунтиряпмиз, – деди масжид мутаваллиси.

Ўзбекистон президентининг ҳайитни нишонлаш тўғрисидаги қарорида “Нуроний”, “Маҳалла” ва бошқа тегишли ташкилотлар ўзбек халқининг миллий қадриятларидан келиб чиққан ҳолда Ҳайит байрамини юқори даражада нишонланишини уюштириш ҳақида кўрсатма берилган.

Наманганлик маҳалла фаоли Убайдулло Азимов ҳам Озодлик билан суҳбатда ёш болаларни масжидга йўлатмаслик тўғри эканини айтади.

– Ёш болалар ўқишини ўқисин. Болани мияси чалғимасин, дейишяпти-да. Фақат, мактабда берилган дарсликларни ўқисин. Мактабни яхши ўқиса олийгоҳларда ўқийди, етук одам бўлиб етишади-да. Мактабни битирганидан кейин масжидга борсин, – дейди Убайдулло Азимов.

Ўзбекистонда Қурбон ҳайити 24 сентябрь куни нишонланади.

Ўзбекистон Президенти Ислом Каримовнинг 18 сентябрдаги қарорига кўра, 24 сентябрь мамлакатда дам олиш куни деб эълон қилинди.

Ҳайит намози пайшанба куни куни Тошкент вақти билан соат тонгги 6:30 ўқилиши хабар қилинди.

Ўтган йилгидек бу йил ҳам Қурбон байрами Ўзбекистонда пахта терими кампанияси авж паллага чиққан пайтга тўғри келаяпти.

Ozodlik

Yorum Yapın