Özbek Vazir: Soqol qo’yish qonun bilan taqiqlanmagan
13 Nisan 2018  //  By:   //  Özbekistan, TÜRKİSTAN  //  No Comment   //   43 Okunma

13.04.2018

O‘zbekiston ichki ishlar vazirining o‘rinosari, Toshkent shahar IIBB boshlig‘i Rustam Jo‘rayev poytaxtning Uchtepa tumani aholisi bilan o‘tazilgan ochiq muloqot chog‘ida yoshlar orasida «soqol qo‘yish modasi» tarqalayotganiga to‘xtalib o‘tdi. Bu haqda «Gazeta.uz» xabar bermoqda.

Tuman istiqomatchilaridan biri Toshkentda 18–35 yosh orasidagi yoshlarda mana shunday o‘ziga xos moda tarqalganiga urg‘u berib o‘tdi.

«Agar bu bartaraf etilmasa, 2019−2020 yillarga kelib Toshkentdagi barcha yoshlar soqol bilan yuradigan bo‘ladi», — dedi u va zalda to‘planganlarning olqishlariga sazovor bo‘ldi.

Toshkent shahar IIBB rahbari zalga murojaat etib, qarsaklar nega yangraganini so‘radi. O‘tirganlar «bu juda yaxshi va to‘g‘ri savol» ekanligini ta’kidlab o‘tdi.

«Bu yerda o‘tirgan barcha bu qonunchilik bilan taqiqlanmaganini tushunamiz. Xohlagan odam soqol bilan yurishi mumkin», — dedi Rustam Jo‘rayev.

Uning qo‘shimcha qilishicha, bu masalaga munosabat «bolalarga qanday tarbiya berilgani va madaniy jihatdan ular nimaga o‘rgatilgani»ga bog‘liq.

Rustam Jo‘rayev poytaxt aholisi bilan ikkinchi marta uchrashmoqda. Birinchi uchrashuv Yakkasaroy tumanida bo‘lib o‘tgan edi.

Ўзбекистон ички ишлар вазирининг ўриносари, Тошкент шаҳар ИИББ бошлиғи Рустам Жўраев пойтахтнинг Учтепа тумани аҳолиси билан ўтазилган очиқ мулоқот чоғида ёшлар орасида «соқол қўйиш модаси» тарқалаётганига тўхталиб ўтди. Бу ҳақда «Газета.uz» хабар бермоқда.

Туман истиқоматчиларидан бири Тошкентда 18–35 ёш орасидаги ёшларда мана шундай ўзига хос мода тарқалганига урғу бериб ўтди.

«Агар бу бартараф этилмаса, 2019−2020 йилларга келиб Тошкентдаги барча ёшлар соқол билан юрадиган бўлади», — деди у ва залда тўпланганларнинг олқишларига сазовор бўлди.

Тошкент шаҳар ИИББ раҳбари залга мурожаат этиб, қарсаклар нега янграганини сўради. Ўтирганлар «бу жуда яхши ва тўғри савол» эканлигини таъкидлаб ўтди.

«Бу ерда ўтирган барча бу қонунчилик билан тақиқланмаганини тушунамиз. Хоҳлаган одам соқол билан юриши мумкин», — деди Рустам Жўраев.

Унинг қўшимча қилишича, бу масалага муносабат «болаларга қандай тарбия берилгани ва маданий жиҳатдан улар нимага ўргатилгани»га боғлиқ.

Рустам Жўраев пойтахт аҳолиси билан иккинчи марта учрашмоқда. Биринчи учрашув Яккасарой туманида бўлиб ўтган эди.

Соф.уз

Yorum Yapın