07.05.2018
Konstitutsiyaviy tuzumga tajovuzda ayblangan Bobomurod Abdullayev eng kam ish haqining 20 barobari miqdorida jarimaga mahkum etilgan.
Bobomurod Abdullayevga prokuror tomonidan qo‘yilgan ayb sudya Zafar Nurmatov tomonidan Jinoyat Kodeksining 159 moddasi, 1 qism B bandiga qayta malakalangan.
Qolgan ayblanuvchilar-bloger Hayot Nasriddinov, tadbirkorlar Ravshan Salayev hamda Shavkat Olloyorovlar aybsiz, deb topilgan.
45 yoshli Abdullayev o‘tgan yil 27 sentyabrida bedarak ketgan va 29 sentyabr kuni uning Toshkentdagi MXX hibsxonasida ushlab turilgani o‘rtaga chiqqan edi.
MXX Abdullayevni “Usmon Haqnazarov” taxallusi ostida davlat va uning rahbariyatiga qarshi maqolalar yozish va hokimiyatni bosib olishga qaratilgan “Jatva” (“O‘rim”) rejasini ishlab chiqishda ayblagan.
Toshkent shahar sudida mart oyining boshida boshlangan mahkamada Bobomurod Abdullayev tergov jarayonida o‘ziga nisbatan muntazam qiynoqlar qo‘llaganganini aytib, tergovdagi ko‘rsatmalaridan voz kechgan.
U Usmon haqnazarov taxallusi ostida 2003 yildan boshlab maqolalar chop etib kelganini tan olgan, ammo ayni nom ostida e’lon qilingan barcha maqolalar ham uning qalamiga mansub emasligini aytgan.
U qiynoqlar ostida sobiq Bosh prokuror va hozirda Davlat Xavfsizlik Xizmati rahbari Ixtiyor Abdullayev va Ichki ishlar vaziri Po‘lat Bobojonovlar, shuningdek, bir qator mustaqil jurnalist va fuqaro jamiyati faollariga qarshi ko‘rsatma berishga majburlanganini aytgan.
BBC
Бобомурод Абдуллаев суд залидан озод этилди
Жиноят ишлари бўйича Тошкент шаҳар суди журналист Бобомурод Абдуллаев ва яна уч кишини суд залидан озод этган.
Конституциявий тузумга тажовузда айбланган Бобомурод Абдуллаев энг кам иш ҳақининг 20 баробари миқдорида жаримага маҳкум этилган.
Бобомурод Абдуллаевга прокурор томонидан қўйилган айб судья Зафар Нурматов томонидан Жиноят Кодексининг 159 моддаси, 1 қисм Б бандига қайта малакаланган.
Қолган айбланувчилар-блогер Ҳаёт Насриддинов, тадбиркорлар Равшан Салаев ҳамда Шавкат Оллоёровлар айбсиз, деб топилган.
45 ёшли Абдуллаев ўтган йил 27 сентябрида бедарак кетган ва 29 сентябр куни унинг Тошкентдаги МХХ ҳибсхонасида ушлаб турилгани ўртага чиққан эди.
МХХ Абдуллаевни “Усмон Ҳақназаров” тахаллуси остида давлат ва унинг раҳбариятига қарши мақолалар ёзиш ва ҳокимиятни босиб олишга қаратилган “Жатва” (“Ўрим”) режасини ишлаб чиқишда айблаган.
Тошкент шаҳар судида март ойининг бошида бошланган маҳкамада Бобомурод Абдуллаев тергов жараёнида ўзига нисбатан мунтазам қийноқлар қўллаганганини айтиб, терговдаги кўрсатмаларидан воз кечган.
У Усмон ҳақназаров тахаллуси остида 2003 йилдан бошлаб мақолалар чоп этиб келганини тан олган, аммо айни ном остида эълон қилинган барча мақолалар ҳам унинг қаламига мансуб эмаслигини айтган.
У қийноқлар остида собиқ Бош прокурор ва ҳозирда Давлат Хавфсизлик Хизмати раҳбари Ихтиёр Абдуллаев ва Ички ишлар вазири Пўлат Бобожоновлар, шунингдек, бир қатор мустақил журналист ва фуқаро жамияти фаолларига қарши кўрсатма беришга мажбурланганини айтган.
BBC Uzbek
