ХТВ: Ягона мактаб формаси талаби ўз кучида.XTV: Yagona maktab formasi talabi o‘z kuchida

(KRIL VA LATINDA)

Вазирлар Маҳкамаси 2019 йил, 9 июнда қабул қилган қарор билан 2018 йил 15 августдаги 666-сон қарорнинг 3-ва 7-бандларигагина ўзгартириш киритилган.

Бу ҳақда Халқ таълими вазирлиги баёнот берди.

Вазирлар Маҳкамаси 2018 йил 15 августда “Давлат умумий ўрта таълим муассасалари ўқувчиларини замонавий мактаб формаси билан таъминлаш чора-тадбирлари тўғрисида” 666- қарорни қабул қилган эди.

2019 йил 19 июнь куни Вазирлар Маҳкамаси «Давлат умумий ўрта таълим муассасалари ўқувчиларини замонавий ягона мактаб формаси билан таъминлаш чора-тадбирлари тўғрисида»ги қарорни қабул қилди.

Бу қарор билан 2018 йил 15 августдаги 666-сон қарорга ўзгартиришлар киритилди.

Ўзгартишларга биноан ягона мактаб формаси 2019-2020 ўқув йилидан эмас, балки 2024-2025 ўқув йилидан бошлаб жорий этилади.

Бироқ Халқ таълими вазирилигига кўра, 666- қарор билан тасдиқланган “Давлат умумий ўрта таълим муассасалари ўқувчилари учун замонавий ягона мактаб формасини жорий этиш тартиби тўғрисидаги низоми” ҳозирги кунда ҳам амалда.

Шу боис вазирлик ўқувчилардан мазкур низом талабларига риоя этишлари сўраган.

Жорий йил май ойининг охирида Ахборот ва оммавий коммуникациялар агентлиги директори ўринбосари, президентнинг қизи Саида Мирзиёева ўзининг Facebook саҳифасида ягона мактаб формасини жорий этишга ҳали эрта экани тўғрисида фикр билдирган эди.
Бу воқеадан бир неча кун ўтгач, Халқ таълими вазири Шерзод Шерматов 2019-2020 ўқув йилидан мактаб формаси мажбурий бўлмаслигини маълум қилди.
Вазирга кўра, 1-синфдан 11-синфгача бўлган ўқувчилар учун мактаб формасини тикиш жуда катта ҳажмдаги ресурсларни талаб қилади. Мамлакат тўқимачилик саноати айни пайтда бу вазифанинг уддасидан чиқа олмаслиги мумкин.

Vazirlar Mahkamasi 2019 yil, 9 iyunda qabul qilgan qaror bilan 2018 yil 15 avgustdagi 666-son qarorning 3-va 7-bandlarigagina o‘zgartirish kiritilgan.

Bu haqda Xalq ta’limi vazirligi bayonot berdi.

Vazirlar Mahkamasi 2018 yil 15 avgustda “Davlat umumiy o‘rta ta’lim muassasalari o‘quvchilarini zamonaviy maktab formasi bilan ta’minlash chora-tadbirlari to‘g‘risida” 666- qarorni qabul qilgan edi.

2019 yil 19 iyun kuni Vazirlar Mahkamasi «Davlat umumiy o‘rta ta’lim muassasalari o‘quvchilarini zamonaviy yagona maktab formasi bilan ta’minlash chora-tadbirlari to‘g‘risida»gi qarorni qabul qildi.

Bu qaror bilan 2018 yil 15 avgustdagi 666-son qarorga o‘zgartirishlar kiritildi.

O‘zgartishlarga binoan yagona maktab formasi 2019-2020 o‘quv yilidan emas, balki 2024-2025 o‘quv yilidan boshlab joriy etiladi.

Biroq Xalq ta’limi vaziriligiga ko‘ra, 666- qaror bilan tasdiqlangan “Davlat umumiy o‘rta ta’lim muassasalari o‘quvchilari uchun zamonaviy yagona maktab formasini joriy etish tartibi to‘g‘risidagi nizomi” hozirgi kunda ham amalda.

Shu bois vazirlik o‘quvchilardan mazkur nizom talablariga rioya etishlari so‘ragan.

Joriy yil may oyining oxirida Axborot va ommaviy kommunikatsiyalar agentligi direktori o‘rinbosari, prezidentning qizi Saida Mirziyoyeva o‘zining Facebook sahifasida yagona maktab formasini joriy etishga hali erta ekani to‘g‘risida fikr bildirgan edi.
Bu voqeadan bir necha kun o‘tgach, Xalq ta’limi vaziri Sherzod Shermatov 2019-2020 o‘quv yilidan maktab formasi majburiy bo‘lmasligini ma’lum qildi.
Vazirga ko‘ra, 1-sinfdan 11-sinfgacha bo‘lgan o‘quvchilar uchun maktab formasini tikish juda katta hajmdagi resurslarni talab qiladi. Mamlakat to‘qimachilik sanoati ayni paytda bu vazifaning uddasidan chiqa olmasligi mumkin.

www.ozodlik.org/a/30147870

Alakalı yazılar

Yorum yazın