(krıl va lotında)
Халқ таълими вазирлиги 2019−2020 ўқув йилидан бошлаб мамлакатда ягона мактаб формаси жорий этилганини ота -оналарга эслатди. Ягона мактаб формаси тўғрисидаги қарор Вазирлар Маҳкамаси томонидан 2018 йилнинг 15 августида қабул қилинган эди.
2018-2019 ўқув йилида ягона мактаб формасини кийиш ўқувчилар учун ихтиёрий эди. Янги ўқув йилидан бошлаб эса мактабга ягона формада келиш мажбурий бўлади.
Қарорга асосан «Ўзтўқимачиликсаноат» уюшмаси мактаб формасини ишлаб чиқарувчи ташкилотлар рўйхатини ҳудудлар бўйича шакллантиради.
Республиканинг ҳар бир туман ва шаҳарда аҳолига қулай бўлган жойларда мактаб формасини сотишга ихтисослашган савдо шохобчалари ташкил этилади.
Халқ таълими вазирлигининг билдирувида айтлишича, мактаб формаси нархини ишлаб чиқарувчи ташкилот бозор муносабатларидан келиб чиққан ҳолда мустақил белгилайди.
Айни пайтда ишлаб чиқарувчилар ҳали тикилмаган мактаб формаси учун ота-оналардан бўнак йиғиши мумкин эмас.
Шунингдек, мактаб директорлари ва синф раҳбарларининг мактаб формасини сотиш жараёнига аралашуви қатъий тақиқланади.
Xalq ta’limi vazirligi 2019−2020 o‘quv yilidan boshlab mamlakatda yagona maktab formasi joriy etilganini ota -onalarga eslatdi. Yagona maktab formasi to‘g‘risidagi qaror Vazirlar Mahkamasi tomonidan 2018 yilning 15 avgustida qabul qilingan edi.
2018-2019 o‘quv yilida yagona maktab formasini kiyish o‘quvchilar uchun ixtiyoriy edi. Yangi o‘quv yilidan boshlab esa maktabga yagona formada kelish majburiy bo‘ladi.
Qarorga asosan «O‘zto‘qimachiliksanoat» uyushmasi maktab formasini ishlab chiqaruvchi tashkilotlar ro‘yxatini hududlar bo‘yicha shakllantiradi.
Respublikaning har bir tuman va shaharda aholiga qulay bo‘lgan joylarda maktab formasini sotishga ixtisoslashgan savdo shoxobchalari tashkil etiladi.
Xalq ta’limi vazirligining bildiruvida aytlishicha, maktab formasi narxini ishlab chiqaruvchi tashkilot bozor munosabatlaridan kelib chiqqan holda mustaqil belgilaydi.
Ayni paytda ishlab chiqaruvchilar hali tikilmagan maktab formasi uchun ota-onalardan bo‘nak yig‘ishi mumkin emas.
Shuningdek, maktab direktorlari va sinf rahbarlarining maktab formasini sotish jarayoniga aralashuvi qat’iy taqiqlanadi.
https://www.ozodlik.org/a/29969393.html
