Диний экстремистик гуруҳларга алоқадор кўрилган 20 мингдан зиёд фуқаро назoратдан чиқарилди.Diniy ekstremistik guruhlarga aloqador ko‘rilgan 20 mingdan ziyod fuqaro nazoratdan chiqarildi

(krıl va lotında)

Президент Шавкат Мирзиёев диний экстремистик гуруҳларга алоқадор кўрилган 20 мингдан зиёд фуқаро назоратдан чиқарилганини маълум қилди.

Конституция қабул қилинганининг 26 йиллигига бағишланган маърузасида президент: “Бир пайтлар диний экстремистик гуруҳларга алоқаси бор, деб назоратга олинган 20 мингдан зиёд фуқаро “махсус ҳисоблар”дан чиқарилди. Ман этилган ташкилотларга адашиб кириб қолган, қилмишига пушаймон бўлиб, тузалиш йўлига ўтган фуқароларнинг мурожаатларини кўриб чиқиш бўйича Республика идоралараро комиссияси тузилди”, деб маълум қилди.

Шу кунги нутқида президент Конституция куни муносабати “қилмишидан пушаймон бўлиб, тузалиш йўлига қатъий ўтган” ва айни пайтда озодликдан маҳрум этиш жазосини ўтаётган 136 шахсни афв этиш бўйича махсус Фармон имзолаганини билдирди.

Президент Мирзиёев ўтган йилнинг 1 сентябрида мамлакатда “диний-экстремист оқим аъзолари рўйхати”да бўлган 17 минг одамдан 16 минг нафари назоратдан чиқарилгани, улардан 9 минг 500 нафари иш билан таъминланганини айтган эди.

Prezident Shavkat Mirziyoyev diniy ekstremistik guruhlarga aloqador ko‘rilgan 20 mingdan ziyod fuqaro nazoratdan chiqarilganini ma’lum qildi.

Konstitutsiya qabul qilinganining 26 yilligiga bag‘ishlangan ma’ruzasida prezident: “Bir paytlar diniy ekstremistik guruhlarga aloqasi bor, deb nazoratga olingan 20 mingdan ziyod fuqaro “maxsus hisoblar”dan chiqarildi. Man etilgan tashkilotlarga adashib kirib qolgan, qilmishiga pushaymon bo‘lib, tuzalish yo‘liga o‘tgan fuqarolarning murojaatlarini ko‘rib chiqish bo‘yicha Respublika idoralararo komissiyasi tuzildi”, deb ma’lum qildi.

Shu kungi nutqida prezident Konstitutsiya kuni munosabati “qilmishidan pushaymon bo‘lib, tuzalish yo‘liga qat’iy o‘tgan” va ayni paytda ozodlikdan mahrum etish jazosini o‘tayotgan 136 shaxsni afv etish bo‘yicha maxsus Farmon imzolaganini bildirdi.

Prezident Mirziyoyev o‘tgan yilning 1 sentyabrida mamlakatda “diniy-ekstremist oqim a’zolari ro‘yxati”da bo‘lgan 17 ming odamdan 16 ming nafari nazoratdan chiqarilgani, ulardan 9 ming 500 nafari ish bilan ta’minlanganini aytgan edi.

Ozodlık
https://www.ozodlik.org/a/29646047.html

Alakalı yazılar

Yorum yazın