(kırıl va lotında)
Ўзбекистон Республикаси Олий Мажлиси Қонунчилик палатаси спикери Нуридинжон Исмоилов бошчилигидаги Ўзбекистон парламент делегацияси икки қўшни давлат мустақиллиги тарихида биринчи марта Тожикистонга ташриф буюради.
Ўзбекистон парламентарийларининг ташрифи 19-22 ноябрь кунларига мўлжалланган, деб хабар бермоқда «АП» Тожикистон парламенти қуйи палатасининг халқаро ишлар, жамоат бирлашмалари ва ахборот бўйича қўмитаси раиси Олим Салимзодага асосан.
Ўзбекистон парламентдаги делегацияси Тожикистонга сафари чоғида республика президенти Имомали Раҳмон, мамлакат парламенти ҳар икки палатаси спикерлари Маҳмадсаид Убайдуллоев ва Шукуржон Зуҳуров билан учрашади.
Ўзбекистон Республикаси парламенти қуйи палатаси спикери ва унга ҳамроҳлик қилувчи шахслар «ТАЛКО кабель» заводининг фаолияти билан танишадилар ҳамда Нурек ГЭСга борадилар.
Эслатиб ўтамиз, аввалроқ Тожикистонда Роғун ГЭС биринчи агрегати тайёр экани, у 16 ноябрда ишга туширилиши хабар қилинганди.
O‘zbekiston Respublikasi Oliy Majlisi Qonunchilik palatasi spikeri Nuridinjon Ismoilov boshchiligidagi O‘zbekiston parlament delegatsiyasi ikki qo‘shni davlat mustaqilligi tarixida birinchi marta Tojikistonga tashrif buyuradi.
O‘zbekiston parlamentariylarining tashrifi 19-22 noyabr kunlariga mo‘ljallangan, deb xabar bermoqda «AP» Tojikiston parlamenti quyi palatasining xalqaro ishlar, jamoat birlashmalari va axborot bo‘yicha qo‘mitasi raisi Olim Salimzodaga asosan.
O‘zbekiston parlamentdagi delegatsiyasi Tojikistonga safari chog‘ida respublika prezidenti Imomali Rahmon, mamlakat parlamenti har ikki palatasi spikerlari Mahmadsaid Ubaydulloyev va Shukurjon Zuhurov bilan uchrashadi.
O‘zbekiston Respublikasi parlamenti quyi palatasi spikeri va unga hamrohlik qiluvchi shaxslar «TALKO kabel» zavodining faoliyati bilan tanishadilar hamda Nurek GESga boradilar.
Eslatib o‘tamiz, avvalroq Tojikistonda Rog‘un GES birinchi agregati tayyor ekani, u 16 noyabrda ishga tushirilishi xabar qilingandi.
kun.uz
