Dindorlar Toshkentdagi sudda ayblovlarni rad qildi (Kiril va Lotinda)

17.04.2018
Jinoyat ishlari bo‘yicha Toshkent shahar sudida “Hizbut tahrir” firqasiga a’zolikda ayblanayotgan 5 dindorning mahkamasi davom etdi. Unda Go‘zal To‘xtaxo‘jayeva va uning turmush o‘rtog‘i Muhammad Rashidovlarning ko‘rsatmalari tinglandi.

Ikki sudlanuvchi o‘ziga qo‘yilayotgan ayblarni to‘liq inkor qilgan va jinoyat ishi tuhmatligini bildirgan.

Go‘zal To‘xtaxo‘jayeva shu yilning 15 yanvar kuni qo‘lga olingan. Yaqinlarining aytishicha, u qariyb 10 yil huquq tartibot organi xodimlari ushla olsa qiynab tuhmat qilishadi, degan qo‘rquv bilan qochib yurgan.

Sudda tinglovchi sifatida ishtirok etgan opasi Dildora A’zamovaning aytishicha, singlisiga O‘zbekiston Konstitutsion tuzumiga tajovuz qilish aybi qo‘yilmoqda.

“Unga ikkita mana shunday ayb qo‘yilgan. Bittasi 2004 yilgi ish bo‘yicha, ikkinchisi 2017 yil noyabr oyidagi ayblov bo‘yicha. Singlim ikkalasini ham rad qildi. Hizbut Tahrirga a’zo emasligini. 2004 yili yosh 18 yoshda bo‘lganligini, qo‘lida chaqolog‘i, xasta turmush o‘rtog‘i va qaynonasiga qarab uydan ko‘chaga chiqolmagani aytdi”, deydi Dildora A’zamova.

Go‘zal To‘xtaxo‘jayeva ayblov xulosasida yozilishicha, u go‘yo 2017 yilning 3 noyabr, juma kuni Toshkentning Gulbozor mahallasidagi masjidda hamda Minor masjidida “Hizbut tahrir”ning 14 varaqasini tarqatgan.

Xuddi shunga o‘xshash ayb yana bir sudlanuvchi Umida Uzoqovaga qo‘yilgandi.

O‘zA Toshkent shahar IIBB tayanib Umida Uzoqova Gulbozor mahallasida masjidda varaqa tarqatganidan so‘ng qo‘lga olinganini yozgandi.

Biroq Bi-bi-si izlanishlari ushbu xabarning haqiqatdan yiroqligini ko‘rsatgan.

Диндорлар Тошкентдаги судда айбловларни рад қилди

суд олдиФото муаллифлик ҳуқуқиMALOHAT ESHONQULOVA

Жиноят ишлари бўйича Тошкент шаҳар судида “Ҳизбут таҳрир” фирқасига аъзоликда айбланаётган 5 диндорнинг маҳкамаси давом этди. Унда Гўзал Тўхтахўжаева ва унинг турмуш ўртоғи Муҳаммад Рашидовларнинг кўрсатмалари тингланди.

Икки судланувчи ўзига қўйилаётган айбларни тўлиқ инкор қилган ва жиноят иши туҳматлигини билдирган.

Гўзал Тўхтахўжаева шу йилнинг 15 январ куни қўлга олинган. Яқинларининг айтишича, у қарийб 10 йил ҳуқуқ тартибот органи ходимлари ушла олса қийнаб туҳмат қилишади, деган қўрқув билан қочиб юрган.

Судда тингловчи сифатида иштирок этган опаси Дилдора Аъзамованинг айтишича, синглисига Ўзбекистон Конституцион тузумига тажовуз қилиш айби қўйилмоқда.

“Унга иккита мана шундай айб қўйилган. Биттаси 2004 йилги иш бўйича, иккинчиси 2017 йил ноябр ойидаги айблов бўйича. Синглим иккаласини ҳам рад қилди. Ҳизбут Таҳрирга аъзо эмаслигини. 2004 йили ёш 18 ёшда бўлганлигини, қўлида чақолоғи, хаста турмуш ўртоғи ва қайнонасига қараб уйдан кўчага чиқолмагани айтди”, дейди Дилдора Аъзамова.

Гўзал Тўхтахўжаева айблов хулосасида ёзилишича, у гўё 2017 йилнинг 3 ноябр, жума куни Тошкентнинг Гулбозор маҳалласидаги масжидда ҳамда Минор масжидида “Ҳизбут таҳрир”нинг 14 варақасини тарқатган.

Худди шунга ўхшаш айб яна бир судланувчи Умида Узоқовага қўйилганди.

ЎзА Тошкент шаҳар ИИББ таяниб Умида Узоқова Гулбозор маҳалласида масжидда варақа тарқатганидан сўнг қўлга олинганини ёзганди.

Бироқ Би-би-си изланишлари ушбу хабарнинг ҳақиқатдан йироқлигини кўрсатган.

Related posts

Yorum yazın