Қирғизистон Бош прокурори “инсон ҳуқуқларини бузгани учун” ишдан олинди.

11.04.2018

Қирғизистон Бош прокурори Индира Жўлдубаева 11 апрель куни ишдан олинди.
Қирғиз Республикаси парламенти – Жўғўрку Кенеш президент Сооронбай Жээнбековнинг бош прокурор Индира Жолдубаевани мансабидан озод қилиш тўғрисидаги тақдимномасини тасдиқлади. Қарорни ёқлаб 105 депутат овоз берди, 2 нафари қарши чиқди.

Азаттиқ радиосининг хабар қилишича, парламент олдида давлат раҳбарининг тақдимномаси бўйича маъруза қилган президент маъмурияти раҳбари Мухамедкалий Абилгазиев прокуратура ўз вазифаларини бажармаганини, инсон ҳуқуқларини қўпол тарзда бузганини айтиб ўтган.

Бундан аввал давлат раҳбари тақдимномасини Жўғўрқу Кенешнинг конституциявий қонунчилик, давлат бошқаруви, суд-ҳуқуқ ва регламент бўйича қўмитаси тасдиқлаган эди. Унга қадар эса «Ата Мекен» ва «Республика – Ата Журт» фракциялари бош прокурор ҳисоботини қониқарсиз дея топган эди.

Парламент депутати Жанар Акаев мажлисда баёнот бериб мансабларидан озод қилинган бош прокурор ва МХДҚ раиси “сиёсий буюртмалар” учун жавобгарлика тортилиши кераклигини айтган эди.

«Қирғиз амалдори учун энг катта жазо -бу унинг истеъфосидир. Биз буни тушундик. МХДҚ раиси, бош прокурор инсонлар тақдири билан ўйнашдилар ва бу ерда [парламентда] такаббурона ўтиришди, бизга қарши бўлишди. Нима учун биз уларни энг катта сифатида истеъфога чиқариш билан чекланиб қолишимиз керак? Бунақа бўлиши керак эмас. Улар инсонлар тақдири ва сиёсий буюртмалар учун жавоб бериши керак. Биз уларни жавобгарликка тортишимиз керак, токи МХДҚнинг янги раиси ва бош прокурор сиёсий буюртмаларни бажармасинлар», – деди Акаев.

Индира Жолдубаева бу мансабга 2015 йилнинг январида ўша вақтдаги президент Алмазбек Атамбаев тавсиясига кўра парламентдаги кўпчилик овоз билан тайинланган эди. Бош прокурор лавозимига ҳеч кимга яхши таниш бўлмаган, жамоатчилик танимайдиган инсонинг тайинланиши кўплаб танқидларга сабаб бўлган эди. Шу билан бирга унинг бош прокурорлиги вақтида айрим мухолифат вакилларига, депутат ва сиёсатчиларга нисбатан жиноий иш қўзатилди, улардан айримлари қамоққа ташланди.

Qirg‘iziston Bosh prokurori “inson huquqlarini buzgani uchun” ishdan olindi

Qirg‘iziston Bosh prokurori Indira Jo‘ldubayeva 11 aprel kuni ishdan olindi.
11.04.2018

Qirg‘iz Respublikasi parlamenti – Jo‘g‘o‘rku Kenesh prezident Sooronbay Jeenbekovning bosh prokuror Indira Joldubayevani mansabidan ozod qilish to‘g‘risidagi taqdimnomasini tasdiqladi. Qarorni yoqlab 105 deputat ovoz berdi, 2 nafari qarshi chiqdi.

Azattiq radiosining xabar qilishicha, parlament oldida davlat rahbarining taqdimnomasi bo‘yicha ma’ruza qilgan prezident ma’muriyati rahbari Muxamedkaliy Abilgaziyev prokuratura o‘z vazifalarini bajarmaganini, inson huquqlarini qo‘pol tarzda buzganini aytib o‘tgan.

Bundan avval davlat rahbari taqdimnomasini Jo‘g‘o‘rqu Keneshning konstitutsiyaviy qonunchilik, davlat boshqaruvi, sud-huquq va reglament bo‘yicha qo‘mitasi tasdiqlagan edi. Unga qadar esa «Ata Meken» va «Respublika – Ata Jurt» fraksiyalari bosh prokuror hisobotini qoniqarsiz deya topgan edi.

Parlament deputati Janar Akayev majlisda bayonot berib mansablaridan ozod qilingan bosh prokuror va MXDQ raisi “siyosiy buyurtmalar” uchun javobgarlika tortilishi kerakligini aytgan edi.

«Qirg‘iz amaldori uchun eng katta jazo -bu uning iste’fosidir. Biz buni tushundik. MXDQ raisi, bosh prokuror insonlar taqdiri bilan o‘ynashdilar va bu yerda [parlamentda] takabburona o‘tirishdi, bizga qarshi bo‘lishdi. Nima uchun biz ularni eng katta sifatida iste’foga chiqarish bilan cheklanib qolishimiz kerak? Bunaqa bo‘lishi kerak emas. Ular insonlar taqdiri va siyosiy buyurtmalar uchun javob berishi kerak. Biz ularni javobgarlikka tortishimiz kerak, toki MXDQning yangi raisi va bosh prokuror siyosiy buyurtmalarni bajarmasinlar», – dedi Akayev.

Indira Joldubayeva bu mansabga 2015 yilning yanvarida o‘sha vaqtdagi prezident Almazbek Atambayev tavsiyasiga ko‘ra parlamentdagi ko‘pchilik ovoz bilan tayinlangan edi. Bosh prokuror lavozimiga hech kimga yaxshi tanish bo‘lmagan, jamoatchilik tanimaydigan insoning tayinlanishi ko‘plab tanqidlarga sabab bo‘lgan edi. Shu bilan birga uning bosh prokurorligi vaqtida ayrim muxolifat vakillariga, deputat va siyosatchilarga nisbatan jinoiy ish qo‘zatildi, ulardan ayrimlari qamoqqa tashlandi.

Ozodlik

Related posts

Yorum yazın