O‘zbekiston fuqarolari davlat tomonidan Turkiyaga ishga jo‘natiladi

13.03.2018

O‘zbekiston birinchi marta Turkiyaga ishlash uchun tashkillashtirilgan tarzda odam yuboradi. Bu haqda 12 mart kuni Podrobno.uz nashri Tashqi mehnat migratsiyasi agentligiga tayanib xabar berdi.

Xabarda aytilishicha, Tashqi mehnat migratsiyasi agentligi va Turkiyaning Taiga group shirkati bu boradagi shartnomani dushanba kuni Toshkentda bo‘lib o‘tgan muzokaralardan so‘ng imzolagan.

Ma’lum qilinishicha, 2006 yilda tashkil qilingan Taiga group shirkati turizm, mehnat migrantlarini qonuniy hujjatlar bilan ta’minlash va talabalarning Turkiya hududida amaliyotni o‘tashini uyushtirish kabi masalalar bilan shug‘ullanadi.

Turkiya shirkati O‘zbekistondan Turkiya mehmonxonalarida ishlash uchun farroshlar, animatorlar, ofitsiantlar, barmenlar, oshpazlarni yig‘moqda. Xabarda aytilishicha, o‘rtacha ish haqi sifatida 430 dollar va’da qilinayotir.

Tashqi mehnat migratsiyasi agentligi Turkiyada ishlash istagani bildirganlar Agentlikka17 martgacha murojaat qilishlari mumkinligini ham bildirdi.

Ўзбекистон фуқаролари биринчи марта давлат томонидан Туркияга ишга жўнатилади

 Ўзбекистон биринчи марта Туркияга ишлаш учун ташкиллаштирилган тарзда одам юборади. Бу ҳақда 12 март куни Podrobno.uz нашри Ташқи меҳнат миграцияси агентлигига таяниб хабар берди.

Хабарда айтилишича, Ташқи меҳнат миграцияси агентлиги ва Туркиянинг Тaiga group ширкати бу борадаги шартномани душанба куни Тошкентда бўлиб ўтган музокаралардан сўнг имзолаган.

Маълум қилинишича, 2006 йилда ташкил қилинган Тaiga group ширкати туризм, меҳнат мигрантларини қонуний ҳужжатлар билан таъминлаш ва талабаларнинг Туркия ҳудудида амалиётни ўташини уюштириш каби масалалар билан шуғулланади.

Туркия ширкати Ўзбекистондан Туркия меҳмонхоналарида ишлаш учун фаррошлар, аниматорлар, официантлар, барменлар, ошпазларни йиғмоқда. Хабарда айтилишича, ўртача иш ҳақи сифатида 430 доллар ваъда қилинаётир.

Ташқи меҳнат миграцияси агентлиги Туркияда ишлаш истагани билдирганлар Агентликка17 мартгача мурожаат қилишлари мумкинлигини ҳам билдирди.

Ozodlik

Related posts

Yorum yazın