Biz Müslümanlarning kamchilıklari ve ulardan xolos bolish yollari haqida

Yazının Türkçe Özeti:

Yazıda günümüz Müslümanlarının esas eksiklikleri başkalarını (kendi ustazlarını, şeyhlerini, liderlerini) şiddetli sevgi ile sevmeleri ve onlara kayıtsız şartsız itaat etmeleri olarak tarif edilmektedir. Bu da her cemaat ya da grubun sadece kendi yollarını doğru yol olarak görmelerine ve Müslümanlar arasında tefrikenin yayılmasına ve derinleşmesine neden olduğunun altı çızılmaktadır. Çözüm olarak şu 3 husus teklif edilmektedir:

1. Önce Allah’ı (cc) ve Muhammed (sav)’ı şiddetli sevmek ve önce Allah’a (cc), yani Kur’anın hükmlerine ve Muhammed (sav) sahih Sünnetindeki hükmlere itaat etmek;

2. Sonra Müslümanların bütün işlerini Kur’an ve Sünnete dayandırarak Şura ile yürütmeleri.

3. En sonunda Müslümanların alimlere (hocalara, şeyhlara) ve yöneticilere (emirlere, reislere) onların 1 ve 2 kaideye amel etlmesi şartı ile, onlara Müslümanların itaat etmesi.

BİZ MUSULMONLARNİNG BA’Zİ KAMCHİLİKLARİMİZ VA ULARDAN XOLOS BO’LİSH YO’LLARİ HAQİDA

Bismillahir Rohmanir Rohim

Ma’lumki imonning asosiy jihatlaridan ikkisi avval Alloh taoloni va Muhammad (sav)ni sevish va avval ularga itoat qilishdir…menimcha biz musulmonlarning asosiy muammolari mana shu ikki xususiyatdagi xatoda bo‘lsa kerak. Ba’zi musulmonlar avval havoyi nafslarining orzularini sevib, avval ularga itoat qiladilar. Natijada ular nafslarining cheksiz istaklariga hayotlarini qurbon qilib yuboradilar. Holbuki Qur’oni Karimda bu haqda jiddiy ogohlantirishlar bor:

“(Ey Muhammad) Havoi nafsini o‘ziga Iloh qilib olganni ko‘rdingizmi?! Endi siz unga vakil bo‘lasizmi?!” (Furqon surasi 43 oyat)

Ba’zi musulmonlar esa avval ustozlarini (shayxlarini, xo‘jalarini) yoki rahbarlarini (amirlarini, raislarini) sevib, ularga so‘zsiz itoat qiladilar. Natijada ular shayxlari aytgan hamma gaplarga ergashib, ular qayoqqa boshlasa indamay o‘sha tomonga ergashib ketaveradilar. Holbuki Qu’ron avval Alloh va Rasulini sevishni va avval ularga itoat qilishni amr qilgan:

” Ey iymon keltirganlar! Allohga itoat qiling, Payg‘ambarga va o‘zingizdan bo‘lgan ishboshilarga itoat qiling. Biror narsa haqida tortishib qolsangiz, agar Alloh va oxirat kuniga iymon keltirgan bo‘lsangiz, uni Allohga va Payg‘ambarga qaytaring. Ana shunday qilish xayrli va oqibati yaxshidir.” (Niso surasi 59)

Yuqorida aytganimdek, mana shu ikki muammo, ya’ni Alloh va Rasulidan boshqalarni cheksiz sevish va ularga cheksiz itoat qilish musulmonlarning asosiy muammosiga o‘xshaydi menga. Holbuki sevgining darajasini ham Alloh taolo Qur’onda belgilab bergandir:

“Odamlar ichida Allohdan o‘zgalarni Allohga tengdosh tutadiganlar va shu tengdoshlarni Allohni sevgandek sevadiganlar bor. Iymon keltirganlarning Allohga muhabbatlari esa kuchliroqdir. Zulm qilganlar azobni ko‘rgan chog‘larida, albatta, barcha quvvat Allohga xosligini va, albatta, Allohning azobi shiddatli ekanini bilsalar edi!” (Baqara surasi 165 oyat)

“Agar ota-onalaringiz, bolalaringiz, aka-ukalaringiz, juftlaringiz, qarindosh-urug‘laringiz, kasb qilgan mollaringiz, kasod bo‘lishdan qo‘rqqan tijoratlaringiz va xush ko‘rgan maskanlaringiz sizga Allohdan, Uning Rasuli va Uning yo‘lida jihod qilishdan sevimliroq bo‘lsa, u holda Alloh O‘z amrini kelturguncha kutib turing. Alloh fosiq qavmni hidoyat qilmas.” (Tavba surasi 24 oyat)

Ba’zi musulmonlar o‘z ustozlarining fikrlarini, kitoblarini, ular o‘rtaga qo‘ygan nizomlarni juda qattiq sevadilar va ularga so‘zsiz itoat qiladilar. Ularga ko‘ra haqiqiy Islom ularning ustozlarining fikrlarida va kitoblarida aytilgan Islomdir…Mana shu tarzda bir birini istmaydigan, o‘zaro ittifoqdan uzoq turli jamoatlar, guruhlar, tashkilotlar o‘rtaga chiqadi musulmonlar orasida. Bu haqda ham Qur’onning hukmi qat’iydir:

“Barchangiz Allohning ipini (Qur’onni) mahkam tuting va bo‘linib ketmang. Va Allohning sizga bergan ne’matini eslang: bir vaqtlar dushman edingiz, bas, qalblaringizni ulfat qildi. Uning ne’mati ila birodar bo‘ldingiz. Olovli jar yoqasida edingiz, undan sizni qutqardi. Shunday qilib, Alloh sizga O‘z oyatlarini bayon qiladi. Shoyadki hidoyat topsangiz. ” (Oli Imron surasi 103 oyat)

” (Ey mo‘minlar) O‘zlariga ochiq bayonotlar kelganidan keyin bo‘linib ixtilofga tushganlarga o‘xshash bo‘lmaganlar, ana o‘shalarga ulug‘ azob bordir.” (Oli Imron surasi 105 oyat)

“Dinlarida tafriqaga tushgan, guruh-guruh bo‘lib olib, har bir firqa o‘zlaridagi narsalardan shod bo‘lganlar kabi bo‘lmang” (Rum surasi 32 oyat)

Nima qilsak biz musulmonlar mana shu kamchiliklarn qutulib, haqiqiy mo‘minlarga aylanamiz, haqiqiy ma’noda musulmonlar ittifoqini quramiz? Aslida bu savolning javobi yuqorida keltirilgan oyatlarda aytildi:

1. Avval Alloh taoloni va Uning Rasulini qattiq sevish va avval ularga qattiq itoat qilish..

2. Shundan keyin musulmonlar o‘zaro Shuroni yo‘lga qo‘yishlari kerak. Bu ham Qur’onning hukmidir:

“Ularning (musulmonlarning) ishlari albatta o‘zaro shuro -maslahatlashish bilan bo‘ladi” (Shuro surasi 38 oyat)

Ya’ni, musulmonlar hamma ishlarini, ya’ni ilm o‘rganishni ham, jamoat ishlarini ham, tashkiliy ishlarni ham, olimlarga va rahbarlarga itoat qilishni ham Shuro asosida amalga oshirishni o‘rganishlari kerak. Olimlar (imomlar, shayxlar) va rahbarlar (amirlar, raislar) ham bunday sho‘rolarda oddiy a’zolarday ishtirok etishlari va shuroning qarorlariga itoat qilishlari kerak. Albatta, yuqorida aytganimizdek, avvalgi sevgi va avalgi itoat Alloh va Rasuligadir…

Demak, muammolardan chiqish yo‘li uch asosda bo‘lishi kerak:

1. Avvalgi sevgi va avalgi itoat Alloh va Rasuliga (sav), ya’ni Qur’on va sahih Sunnatdagi hukmlarga bo‘lishi kerak.

2. Musulmonlarning butun ishlari ularning Shurolarida qarorga bog‘lanishi kerak.

3. Shundan keyin ahli ilmlarga va rahbarlarga (amirlarga, raislarga), ularning o‘zlarining birinchi va ikkinchi qoidaga amal qilish sharti bilan, itoat qilinishi kerak..

Alloh bilguvchiroqdir…

Namoz NORMO‘MIN

31.05.2014

БИЗ МУСУЛМОНЛАРНИНГ БАЪЗИ КАМЧИЛИКЛАРИМИЗ ВА УЛАРДАН ХОЛОС БЎЛИШ ЙЎЛЛАРИ ҲАҚИДА

Бисмиллаҳир Роҳманир Роҳим

Маълумки имоннинг асосий жиҳатларидан иккиси аввал Аллоҳ таолони ва Муҳаммад (сав)ни севиш ва аввал уларга итоат қилишдир…менимча биз мусулмонларнинг асосий муаммолари мана шу икки хусусиятдаги хатода бўлса керак. Баъзи мусулмонлар аввал ҳавойи нафсларининг орзуларини севиб, аввал уларга итоат қиладилар. Натижада улар нафсларининг чексиз истакларига ҳаётларини қурбон қилиб юборадилар. Ҳолбуки Қуръони Каримда бу ҳақда жиддий огоҳлантиришлар бор:

“(Эй Муҳаммад) Ҳавои нафсини ўзига Илоҳ қилиб олганни кўрдингизми?! Энди сиз унга вакил бўласизми?!” (Фурқон сураси 43 оят)

Баъзи мусулмонлар эса аввал устозларини (шайхларини, хўжаларини) ёки раҳбарларини (амирларини, раисларини) севиб, уларга сўзсиз итоат қиладилар. Натижада улар шайхлари айтган ҳамма гапларга эргашиб, улар қаёққа бошласа индамай ўша томонга эргашиб кетаверадилар. Ҳолбуки Қуърон аввал Аллоҳ ва Расулини севишни ва аввал уларга итоат қилишни амр қилган:

” Эй иймон келтирганлар! Аллоҳга итоат қилинг, Пайғамбарга ва ўзингиздан бўлган ишбошиларга итоат қилинг. Бирор нарса ҳақида тортишиб қолсангиз, агар Аллоҳ ва охират кунига иймон келтирган бўлсангиз, уни Аллоҳга ва Пайғамбарга қайтаринг. Ана шундай қилиш хайрли ва оқибати яхшидир.” (Нисо сураси 59)

Юқорида айтганимдек, мана шу икки муаммо, яъни Аллоҳ ва Расулидан бошқаларни чексиз севиш ва уларга чексиз итоат қилиш мусулмонларнинг асосий муаммосига ўхшайди менга. Ҳолбуки севгининг даражасини ҳам Аллоҳ таоло Қуръонда белгилаб бергандир:

“Одамлар ичида Аллоҳдан ўзгаларни Аллоҳга тенгдош тутадиганлар ва шу тенгдошларни Аллоҳни севгандек севадиганлар бор. Иймон келтирганларнинг Аллоҳга муҳаббатлари эса кучлироқдир. Зулм қилганлар азобни кўрган чоғларида, албатта, барча қувват Аллоҳга хослигини ва, албатта, Аллоҳнинг азоби шиддатли эканини билсалар эди!” (Бақара сураси 165 оят)

“Агар ота-оналарингиз, болаларингиз, ака-укаларингиз, жуфтларингиз, қариндош-уруғларингиз, касб қилган молларингиз, касод бўлишдан қўрққан тижоратларингиз ва хуш кўрган масканларингиз сизга Аллоҳдан, Унинг Расули ва Унинг йўлида жиҳод қилишдан севимлироқ бўлса, у ҳолда Аллоҳ Ўз амрини келтургунча кутиб туринг. Аллоҳ фосиқ қавмни ҳидоят қилмас.” (Тавба сураси 24 оят)

Баъзи мусулмонлар ўз устозларининг фикрларини, китобларини, улар ўртага қўйган низомларни жуда қаттиқ севадилар ва уларга сўзсиз итоат қиладилар. Уларга кўра ҳақиқий Ислом уларнинг устозларининг фикрларида ва китобларида айтилган Исломдир…Мана шу тарзда бир бирини истмайдиган, ўзаро иттифоқдан узоқ турли жамоатлар, гуруҳлар, ташкилотлар ўртага чиқади мусулмонлар орасида. Бу ҳақда ҳам Қуръоннинг ҳукми қатъийдир:

“Барчангиз Аллоҳнинг ипини (Қуръонни) маҳкам тутинг ва бўлиниб кетманг. Ва Аллоҳнинг сизга берган неъматини эсланг: бир вақтлар душман эдингиз, бас, қалбларингизни улфат қилди. Унинг неъмати ила биродар бўлдингиз. Оловли жар ёқасида эдингиз, ундан сизни қутқарди. Шундай қилиб, Аллоҳ сизга Ўз оятларини баён қилади. Шоядки ҳидоят топсангиз. ” (Оли Имрон сураси 103 оят)

” (Эй мўминлар) Ўзларига очиқ баёнотлар келганидан кейин бўлиниб ихтилофга тушганларга ўхшаш бўлмаганлар, ана ўшаларга улуғ азоб бордир.” (Оли Имрон сураси 105 оят)

“Динларида тафриқага тушган, гуруҳ-гуруҳ бўлиб олиб, ҳар бир фирқа ўзларидаги нарсалардан шод бўлганлар каби бўлманг” (Рум сураси 32 оят)

Нима қилсак биз мусулмонлар мана шу камчиликларн қутулиб, ҳақиқий мўминларга айланамиз, ҳақиқий маънода мусулмонлар иттифоқини қурамиз? Аслида бу саволнинг жавоби юқорида келтирилган оятларда айтилди:

1. Аввал Аллоҳ таолони ва Унинг Расулини қаттиқ севиш ва аввал уларга қаттиқ итоат қилиш..

2. Шундан кейин мусулмонлар ўзаро Шурони йўлга қўйишлари керак. Бу ҳам Қуръоннинг ҳукмидир:

“Уларнинг (мусулмонларнинг) ишлари албатта ўзаро шуро -маслаҳатлашиш билан бўлади” (Шуро сураси 38 оят)

Яъни, мусулмонлар ҳамма ишларини, яъни илм ўрганишни ҳам, жамоат ишларини ҳам, ташкилий ишларни ҳам, олимларга ва раҳбарларга итоат қилишни ҳам Шуро асосида амалга оширишни ўрганишлари керак. Олимлар (имомлар, шайхлар) ва раҳбарлар (амирлар, раислар) ҳам бундай шўроларда оддий аъзолардай иштирок этишлари ва шуронинг қарорларига итоат қилишлари керак. Албатта, юқорида айтганимиздек, аввалги севги ва авалги итоат Аллоҳ ва Расулигадир…

Демак, муаммолардан чиқиш йўли уч асосда бўлиши керак:

1. Аввалги севги ва авалги итоат Аллоҳ ва Расулига (сав), яъни Қуръон ва саҳиҳ Суннатдаги ҳукмларга бўлиши керак.

2. Мусулмонларнинг бутун ишлари уларнинг Шуроларида қарорга боғланиши керак.

3. Шундан кейин аҳли илмларга ва раҳбарларга (амирларга, раисларга), уларнинг ўзларининг биринчи ва иккинчи қоидага амал қилиш шарти билан, итоат қилиниши керак..

Аллоҳ билгувчироқдир…

Намоз НОРМЎМИН

31.05.2014

Alakalı yazılar

Yorum yazın